Edliyyeinfo.az: Azərbaycanda bir çox insan əmək müqaviləsi olmadan işlədilir. Bu, həm işçinin hüquqlarının pozulması, həm də işəgötürənin qanunsuz fəaliyyətidir. Əmək münasibətləri yalnız rəsmi müqavilə ilə qorunur.
1. Əmək müqaviləsi bağlanmadan işləmək qanunidirmi?
Əmək Məcəlləsinin 7-ci maddəsinə əsasən, əmək münasibətləri yalnız müqavilə ilə rəsmiləşdirildikdə hüquqi qüvvəyə malik olur.
Müqavilə olmadan işləyən şəxs əmək hüquqlarından (məzuniyyət, sığorta, pensiya stajı və s.) məhrum olur.
2. İşəgötürənin müqavilə bağlamaması hansı məsuliyyət yaradır?
İnzibati Xətalar Məcəlləsinin 192-ci maddəsinə əsasən:
Müqavilə bağlamayan işəgötürənlərə 3000-5000 manat cərimə tətbiq edilə bilər
Həmçinin, vergi və sosial ödənişlərdən yayınma hallarında maliyyə sanksiyaları tətbiq olunur
3. İşçi olaraq nə etməlisən?
İşə başlamazdan əvvəl əmək müqaviləsinin e-gov.az portalında qeydiyyatını yoxla
Əgər işləyirsənsə və müqavilə yoxdursa, Əmək və Əhalinin Sosial Müdafiəsi Nazirliyinə, Dövlət Əmək Müfəttişliyi Xidmətinə və ya “142” Çağrı Mərkəzinə şikayət et
Məhkəməyə müraciət edərək işə bərpa və geriyə dönük əməkhaqqı tələb edə bilərsən
(Əmək Məcəlləsi, maddə 45; Mülki Prosessual Məcəllə, maddə 283)
4. Sənədlə işləmək niyə vacibdir?
Rəsmi əməkhaqqı – pensiya və kredit tarixçəsinə təsir edir
İllik məzuniyyət və sosial müavinət hüququ yalnız müqavilə ilə mümkündür
İstehsalatda bədbəxt hadisə olarsa, hüquqi müdafiə yalnız rəsmi işçilərə aiddir.
Səni işə götürmək istəyirlərsə – kağız imzalatmadan, sistemə daxil etmədən işə başlama!
Əmək müqaviləsi – sadəcə sənəd deyil, gələcəyin təminatıdır.
Hazırladı: Asiman Əsədsoy
Edliyyeinfo.az
