Məhkəmə qərarı yalnız çıxarıldıqda deyil, real həyatda icra edildikdə ədalət təmin olunur. Məhz bu mərhələdə icra məmurları mühüm rola sahib olur. Onların fəaliyyəti “İcra haqqında” Qanun və İcra Məcəlləsi ilə tənzimlənir.
İcra məmurlarının əsas vəzifə və səlahiyyətləri
(İcra Məcəlləsi, maddə 25 və 26)
1. Məhkəmə qərarlarının icrasını təmin etmək
Pul vəsaitlərinin tutulması
Əmlakın təhvil verilməsi və ya boşaldılması
Şəxsin köçürülməsi və sair
2. Rəsmi bildirişlərin göndərilməsi
Borcluya xəbərdarlıq məktubları, icra tələbi və könüllü icra üçün vaxt təyin etmək
3. Əmlaka həbs qoyulması
İcra Məcəlləsi, maddə 60
Borc ödənilmədikdə borclunun daşınar və daşınmaz əmlakına həbs qoyula bilər.
Yeganə yaşayış evi və zəruri məişət əşyaları bu siyahıya daxil deyil.
4. Əmlakın məcburi satışı
İcra Məcəlləsi, maddə 78
Əmlak açıq hərracda satılır və əldə olunan məbləğ borcun ödənilməsinə yönəldilir.
5. Polis müşayiəti ilə məcburi icra
İcra Məcəlləsi, maddə 84
Müqavimət və ya maneə olduqda polis orqanları vasitəsilə məcburi icra tədbirləri həyata keçirilə bilər.
6. İcraatın dayandırılması və ya xitam verilməsi
İcra Məcəlləsi, maddə 35 və 36
Borc ödənildikdə, qərar ləğv olunduqda və ya digər qanuni əsaslarla icraat başa çatdırılır.
Vətəndaşların bilməli olduğu əsas hüquqi məqamlar:
1. İcra sənədi olmadan icraya başlanmaz
Yalnız məhkəmə qərarına əsasən tərtib olunmuş icra vərəqəsi əsasında icraya start verilə bilər.
2. İcra orqanları nəzarətdədir
Vətəndaş icra məmurunun qanunsuz hərəkətlərindən narazı qaldıqda Ədliyyə Nazirliyinə və ya məhkəməyə şikayət edə bilər.
İcra Məcəlləsi, maddə 19 və 20
3. Borclunun hüquqları qorunur
Əmlaka həbs qoyularkən yaşamaq üçün zəruri əşyalar və yeganə yaşayış sahəsi qorunur.
İcra Məcəlləsi, maddə 65
4. Məcburi icra xərcləri mövcuddur
Borca faiz, cərimə və icra xərcləri əlavə olunur. Bu da ümumi öhdəliyi artıra bilər.
İcra Məcəlləsi, maddə 28 və 29
Edliyyeinfo.az olaraq sizə bir daha xatırladırıq:
Qərar varsa, onun icrası da mütləqdir. Hüququn tətbiqi yalnız məhkəmə zalında deyil, icra prosesində də tamamlanır.
Ədalət yalnız kağız üzərində deyil – həyata keçirildikdə var.
Hazırladı: Jalə Asiman
Edliyyeinfo.az
