Rayon İcra Hakimiyyətində və Küsnətqazma kəndində növbəti vətəndaş qəbulları keçirilib.
Vətəndaşların müraciətlərinə həssaslıqla yanaşılması ölkə Prezidenti cənab İlham Əliyevin diqqət yetirdiyi əsas məsələlərdəndir. Vətəndaşlara və onların problemlərinə daim böyük diqqət və qayğı ilə yanaşaraq özünün bütün çıxışlarında bu məsələləri ön plana çəkən möhtərəm Prezidentimiz, hər bir dövlət qulluqçusundan və hər bir məmurdan onların ərizə və şikayətlərinə diqqətlə yanaşmağı tələb edir.
17 sentyabr 2025-ci il tarixdə Quba Rayon İcra Hakimiyyətinin başçısı İlqar Mahmudov tərəfindən Qəçrəş kənd inzibati ərazi dairəsinin Küsnətqazma kəndində vətəndaşların səyyar qəbulu keçirilmişdir.
Səyyar qəbuldan sonra Quba Rayon İcra Hakimiyyətinin başçısı İlqar Mahmudov Rayon İcra Hakimiyyətində vətəndaşların fərdi qaydada növbəti qəbulunu keçirmiş, hər bir vətəndaş diqqətlə dinlənilmiş və onların qaldırdıqları məsələlərlə bağlı qanunvericiliyin tələbləri izah olunmuş, Rayon İcra Hakimiyyətinin səlahiyyətləri daxilində olan məsələlərin həlli üçün yerində tapşırıqlar verilmiş, digər qaldırılan məsələlərlə bağlı isə müvafiq tədbirlərin görülməsi üçün aidiyyəti üzrə yönləndirilmişdir.
