Bəzən bir xalqın taleyi bir günə sığar.28 May da Azərbaycan xalqının taleyinə çevrilən gündür.
O gün nə sadəcə bayraq qaldırıldı,nə də adi bir dövlət elan olundu.O gün millətin ruhu ayağa qalxdı.
1918-ci ildə dünya müharibələrin, işğalların və qarışıqlıqların içində boğularkən, Azərbaycan adlı bir xalq bütün çətinliklərə baxmayaraq azad yaşamağa layiq olduğunu sübut etdi. Şərqin ilk demokratik respublikasını qurmaq sadəcə siyasi addım deyildi — bu, cəsarətin tarixə çevrilməsi idi.
28 May bizə göstərdi ki:
Bir millətin gücü torpağında yox,iradəsindədir.
Bir xalqı yaşadan sərvət deyil, birlikdir.Bir bayrağı ucaldan isə külək yox, onu sevən insanlardır.
Bu gün müstəqil nəfəs alırıqsa,öz dilimizdə danışırıqsa,öz bayrağımıza qürurla baxırıqsa,bunun kökündə 28 Mayın ruhu dayanır.Çünki bəzi tarixlər sadəcə keçmiş olmur…
Bəzi tarixlər millətin qəlbində əbədi yaşayır.
Yaşasın Azərbaycan!
Yaşasın 28 May — Müstəqilliyin qürur günü!
Pərvanə Əzimova
Hüquqşünas – mediator
