Milli Məclisin iclasının gündəliyi dəyişib, Avropa Parlamenti ilə bağlı Bəyanat qəbul ediləcək.
Bunu Milli Məclisin bu gün keçirilən iclasında parlamentin sədri Sahibə Qafarova deyib.
İclasın gündəliyinə “Azərbaycan Respublikası Milli Məclisinin Bəyanatının təsdiq edilməsi haqqında” məsələ daxil edilib. Qeyd edilib ki, Bəyanat Avropa Parlamentində dünən keçirilən dinləmə və qəbul edilən saxta ittihamların əks olunduğu qətnaməyə qarşı olacaq.
